نگران حکومت نا اسہ سیاسی جماعت اسے نا ٹرول بریگیڈ نا کنڈآن صحافی غریدہ فاروقی ءِ زیزاریفنگ نا بدنیتی آ تالان مہم آ گڑتی نا درشان، مخلوق نا اُراتا ڈس و نشان و فون نمبر آتے لیک کننگ بیدادی و زیزاریفنگ نا مترادف ءِ، مرتضیٰ سولنگی

اسلام آباد۔ 02 فروری (اے پی پی) نگران حکومت اسہ سیاسی جماعت اسے نا ٹرول بریگیڈ نا کنڈآن سینئر صحافی غریدہ فاروقی ءِ زیزاریفنگ نا بدنیتی آ تالان مہم آ سخت گڑتی نا درشانی ءِ کرینے۔ جمعہ نادے آ راجی رابطہ نا پلیٹ فارم ‘‘ایکس’’ آ تینا اسہ ٹویٹ اسے ٹی نگران بنجائی وزیر حوالکاری ، شینکاری و پارلیمانی امور مرتضیٰ سولنگی پارے کہ مخلوق نا اُراتا ڈس ءُ نشان و پرائیویٹ فون نمبر آتا لیک کننگ بیدادی و زیزاریفنگ آنبار ء ِ ہرادے اسُل سگپنہ۔ اوپارے کہ تعلقدار کمامدار آک دا باندات نا جاست وپاست ءِ کننگ ءُ، ڈوہدار و اوفتا ہینڈ لرآک کانود نا رداٹ سزا آن بچنگ کپسہ۔