سیکورٹی فورس آک مچھ و کولپور اٹی دہشت گرد آتا جلہو ءِ بے سہب کریر، داتم اسکان 24 دہشت گرد خلنگانو، 4 ورناشہید

راولپنڈی۔ 02 فروری (اے پی پی) سیکورٹی فورس آک مچھ و کولپور اٹی دہشت گرد آتا جلہو آتے بے سہب کریر، داتم اسکان دہشت گرد شہزاد بلوچ، عطاءاللہ، صلاح الدین، عبدالودود و ذیشان تون اوار 24 دہشت گرد خلنگانو، اسہ ایلو آ سم کاری ٹی سیکورٹی فورس آتا 4 ورناشہید مسنو۔ آئی ایس پی آر نا رداٹ 29، 30 جنوری 2024 نا نن دہشت گرد آک بلوچستان اٹی مچھ و کولپور کمپلیکس آ جلہو کریر۔ سیکورٹی آ تعینات کانود نافذ کروک آ ادارہ غاک جوانمردی اٹ سخت مزاحمت کریر و جلہوگیر آتے پسپا مننگ آ بیوس کریر۔ دا دہشت گرد آتے اوکان پد بروک آ سینیٹائزیشن و کلیئرنس آپریشن اٹ پٹنگاسس ۔ آئی ایس پی آر نا رداٹ داسہ علاقہ کلیئر مسنے۔ سم کاری و سینیٹائزیشن /کلیئرنس آپریشن اٹی تدوک آ مسہ دے اٹی 24 دہشت گرد خلنگار۔ زوال کروک آتیٹی دہشت گرد شہزاد بلوچ، عطاءاللہ، صلاح الدین ، عبدالودود و ذیشان اہم دہشت گرد ءُ۔ ایلو دہشت گرد آتا درستی راستی نا عمل برجاءِ۔ اسہ ایلو آ سم کاری ٹی کانود نافذ کروک آ ادارہ غاتا 4 نرزور ورناشہید مسر۔ کانود نافذ کروک آادارہ غاتا گچین ورندی دہشت گردی نا برخلاف جنگ اٹی  اوفتا بے لوث عزم انا شاہدی ءِ۔  آئی ایس پی آر نا پاننگ ءِ کہ پاکستان نا سیکورٹی فورس آک ملک اٹی امن و سوگوی ءِ پک کننگ کن کانود نافذ کروک آ ایلو ادارہ غاتون ہم کوپہ سلوک ءُ۔