اسلام آباد۔ 02 فروری (اے پی پی) نگران وزیراعظم انوارالحق کاکڑ پارینے کہ ورناتیکن ذہنی لائخی تے ودفوک آ گوازی تا مون آ دننگ المی ءِ۔ گوازی چندی ملک آتا نیام اٹ رابطہ غاتا ذریعہ مریک، ملک انا ہر اسکول اٹی شطرنج کون آ گوازی تا بایدے آسراتی مرے۔ داخیال آتا درشانی ءِ او جمعہ نادے آ داڑے اسکول آتیکن پرائم منسٹرز مائنڈ اسپورٹس انیشی ایٹیو نا بنائی دود آن تران کرساپارے۔ ورناتیکن ذہنی لائخی تے ودفوک آ گوازی تا مون آ دننگ المی ءِ۔ شطرنج نا گوازی ذہنی جان جوڑی اتون اوار اوار نظم و ضبط نا ہیل تننگ نا ہم سوب ءِ ہراڑآن زند انا ہر بشخ اٹی مون آ ہِننگ کن سمت انا تعین ءِ کننگ اٹ کمک رسینگک۔ کسبی زند اٹی دااسہ جوان ءُ مشغلہ سے۔ اوپارے کہ گوازی چندی ملک آتا نیام اٹ رابطہ غاتا ذریعہ مریک۔ مچ آ دنیا ٹی بھاز انگا گوازی گر آک چنندی بشخ آتیٹی نمان پن اس کٹانو۔ ای تینا ساڑی عہدہ غان جتا مننگ آن پد ہم باورکرفیوہ کہ شطرنج نا گوازی نا مون آ دننگ کن کوشست کیوہ۔ ملک انا ہر اسکول اٹی داوڑنا گوازی تا بایدے آسراتی مرے۔ دود آن تران کرسا نگران بنجائی وزیر بین الصوبائی رابطہ فواد احمد فواد پارے کہ گوازی تا مون آ دننگ جا ن جوڑ راج اکن المی ءِ۔ چناتا آخبت کن ڈٹ آتا بناآ وزیراعظم نا منتوار اُن۔ اوپارے کہ ساڑی آ دور اٹی دنیا ءِ چندی چیلنج و ویل مون تروک ءِ۔ مستین اٹ پاکستان اٹ شطرنج نا نمان گوازی گر رہینگانے۔ دود آن انٹرنیشنل چیس فیڈریشن نا صدر آر کے ڈی ویکوویف ہم تران کرے۔
