اسلام آباد۔ 01 فروری (اے پی پی) وزیر مذہبی امور انیق احمد پنچ شنبے نادے آ پاکستان اٹی تعینات سعودی سفیر نواف سعید المالکی تون داڑے اوڑدہی کرے۔ ہڑتوم آ راہشون تانیام اٹ بروک آ حج بست وبند آتے گڈیکو دروشم اس تننگ نا بابت چندی ٹک آتیا شرہ مس۔ وزیر مذہبی امور انیق احمد پارے کہ داسال وخت آن مست غٹ امور ءِ گچین وڑاٹ پورو کننگ انگ ءِ۔ پاکستانی حاجیک سعودی ویزہ بائیو ایپ نا کمک اٹ اُراٹی تولوک بائیومیٹرک کننگ کیرہ۔ وزارت بروک آ ہفتہ حاجی تا جوان تربیت و بائیومیٹرک شیڈول نا پڑو ءِ کیک۔ داسال پاکستانی حاجی تا آسراتی کن چندی یکتا و بے مٹ گام گیج کننگانے۔ سعودی سفیر نواف سعید المالکی گچین خذمت آتا فراوانی آ ایوارڈ دوئی کروک آ مسہ ملک آتیٹی پاکستانی حج مشن نا شمولیت آمبارکبادی پیش کرساپارےکہ وزیرمذہبی امور انیق احمد نا کنڈآن حاجی تے گچین آسراتی تا فراوانی ستاکڑزک۔ حاجی تے آسراتی و خذمت آتا فراوانی ٹی پاکستانی وزارت مذہبی امور و حج مشن نا کڑد قابل تقلید ءِ۔
