پشاور۔ 01 فروری (اے پی پی) الیکشن کمیشن خیبرپختونخوا خیبرپختونخوا نا چندی ضلع غاتیٹی اومیتدار آتا کنڈآن ضابطہ اخلاق نا خلاف ورزی کننگ نا برخلاف مانیٹرنگ آفیسر آتا کارروائی تا حساب وکتاب ءِ جاری کننگانے۔ الیکشن کمیشن خیبرپختونخوا نا کنڈآن جاری مروک آ اعلامیہ نا رداٹ خیبرپختونخوا ٹی ضابطہ اخلاق نا چندی خلاف ورزی آ جم وڑاٹ 16 لکھ 95 ہزار روپئی جرمانہ بیٹ کننگانے، ہرافتے ٹی پشاور ڈویژن اٹی جم وڑاٹ 1 لکھ 75 ہزار روپئی نا جرمانہ، مالاکنڈ ڈویژن اٹی 4 لکھ 55 ہزارر وپئی، ہزارہ ڈویژن اٹی 2 لکھ 26 ہزار روپئی، مردان ڈویژن اٹی 1 لکھ 5 ہزار روپئی، کوہاٹ ڈویژن اٹی 3 لکھ 29 ہزار روپئی، بنوں ڈویژن اٹی 1 لکھ 65 ہزار روپئی و ڈی آئی خان ڈویژن اٹی 2 لکھ 40 ہزار روپئی نا جرمانہ اوار ءِ۔ ہندا وڑ قطبی وزیرستان اٹی چیئرمین تحصیل کونسل رزمک محمد بلال ءِ 20 ہزار روپئی ڈنڈ، ٹانک اٹی جے یو آئی اومیتدار آتیکن گچین کاری مہم نا دوبہ غا محکمہ ایگریکلچر ٹانک نا جونیئر کلرک عبدالقیوم و محکمہ لائیو سٹاک نا اسسٹنٹ محمد بختیار ءِ نوٹس جاری 2 فروری آ بٹنگانے، ہندا وڑ چیئرمین تحصیل کونسل بحرین سوات میاں شاہد علی آ 20 ہزار روپئی ڈنڈ، میئر سٹی کونسل مینگورہ شاہد علی خان ءِ 40 ہزار روپئی جرمانہ و چیئرمین تحصیل کونسل تھانہ مالاکنڈ افضل حسین و چیئرمین تحصیل بٹ خیلہ ناصر علی ءِ ہم 30 ہزار روپئی ڈنڈ کننگانے۔
