راج ءِ مون آ دننگ اٹ ٹیچرآتا اہم ءُ حیثیت اس مریک ، محسن نقوی

لاہور۔ 05 اکتوبر (اے پی پی) نگران وزیراعلیٰ پنجاب  محسن نقوی پنچ شنبے نادے آ تینا بیان اٹی پارے کہ راج اسے مون آ دننگ اٹ ٹیچر آتا اہم ءُ حیثیت اس مریک۔ نبی کریم خواجہ محمد ﷺمچ آ دنیا نا غٹ آن بھلا و گچین معلم ءِ۔ خواجہ علم انا نوراٹ جہالت نا تہاری تے چٹفے۔ استاد آتا جہانی دے آ تینا کلہو اٹی اومستی پارے کہ استاد تینا شاگرد آتیٹی لاعلمی نا تہاری تے چٹفسا علم انا نور بشخک۔ وزیراعلیٰ پارے کہ اللہ تعالیٰ نا فضل و کرم اٹ ہراجاگہ غا ای اُٹ، اوٹی کنا استاد آتا تربیت و خواری اوار ءِ۔ وزیراعلیٰ جوڑ مننگ آن پد تینا مادر علمی کریسنٹ مادل اسکول نا دورہ ء کریٹ و تینا استاد آتون اوڑدہی کریٹ استاد آتون اوڑدہی نا خوشگوار یات آتے اسُل است آن دننگ کپرہ۔ اونا پاننگ ئس کہ گچین آخبت نا مون آدننگ کن استاد آتا خواری تے سلام پیش کیوہ۔ طالب علم انا شخصیت سازی ٹی لمہ و باوہ و استاد نا کڑد ءِ بریبر نا درجہ دوئی ءِ۔ تعلیم تننگ بیرہ استاد نا کسب ہی آخا بلکن قومی، اخلاقی وراجی زمواری ہم ارے۔ شون ہلوک آ دور اٹ ہموقومک سرسہب ءُ ہرافتے تعلیم نا آب اٹ آسراتی میسرءِ۔ اینونادے ننے دا عزم انا درشانی ءِ کروئی ءِ کہ استاد نا عزت و شرف  ءِ ہرحال اٹ  پک کننگک۔