اسلام آباد۔ 05 اکتوبر (اے پی پی) نگران بنجائی وزیر انسانی حق خلیل جارج تون پاکستان علماء کونسل نا چیئرمین مولانا طاہر اشرفی پنچ شنبے نادے آ داڑے اونا آفس اٹی اوڑدہی کرے۔ اوڑدہی ٹی مولانا طاہر اشرفی نگران بنجائی وزیر تون جڑانوالہ نا واقعہ غا گپ وتران کرے۔ داوخت آبنجائی وزیر پارے کہ نگران حکومت آئین و کانود نا رداٹ غٹ شاری تا حق انا رکھ و مون آ دننگ آ یخین تخک۔ اوجڑانوالہ سانحہ ٹی اوار بندغ آتا برخلاف کانودی کارروائی آ نگراں وزیراعظم انوارالحق کاکڑ ءِ خراج تحسین پیش کرساپارے کہ نن تینائی گری و لاکانودیت نا خاخر ءِ لگنگ کن اِلیپنہ۔ مولانا طاہر اشرفی جڑانوالہ واقعہ نا ترندی اٹ مذمت ءِ کرے۔ اوڑدہی ٹی تین پہ تینی سیوت و سخا آ زور شاغنگا۔
