کوئٹہ۔ 05 اکتوبر (اے پی پی) پروگرام منیجر صوبائی ٹی بی پروگرام ڈاکٹر آصف شاہوانی پارینے کہ صوبہ بلوچستان نا غٹ ضلع غاتا ٹی بی سینٹر آتیٹی ڈسٹرکٹ ہیلتھ انفارمیشن سسٹم (ڈی ایچ آئی ایس II) ءِ پورو وڑاٹ فعال کننگا، داسہ مچ آ صوبہ نا ٹی بی نا ڈیٹا ءِ ڈیجیٹلائز کننگانے و اسہ وخت اٹی ٹی بی ہیڈ کوارٹر و اسلام آباد اٹی ٹی بی نا ڈیٹا (ڈی ایچ آئی ایس ۔II) پروگرام نا کمک اٹ ہُننگ مریک، بلوچستان نا ضلع غاتیٹی ڈسٹرکٹ ہیلتھ انفارمیشن سسٹم (ڈی ایچ آئی ایس ۔ II) ءِ لیب ٹاپ نا کاریم اٹ اتنگ نا کمک اٹ رپورٹنگ و مانیٹرنگ کننگک۔ داہیتءِ او تدوک آ دے بلوچستان نا غٹ ضلع غاتا ٹی بی سینٹرآتا عملہ نا ڈسٹرکٹ ہیلتھ انفارمیشن سسٹم (ڈی ایچ آئی ایس ۔II) نا ٹریننگ نا وخت آ تران کرسا پارے۔ اوپارے کہ ڈی ایچ آئی ایس ضلعی ڈٹ بندی نا نفاذ و ناجوڑی نا پیٹرن، رکھی خذمت آتا اہم اشارہ غا چاروکی کننگ کن اسہ بنداوی ڈیٹااس فراوان کیک، ضلعی و صوبہ ہڑتوم آ کہول آتیا ضلعی ٹی بی پروگرام نا نظام نا کارکڑد نا چاروکی نا فنکشن نا معلومداری نا گرج انا ورندی ءِ ایتک، پالیسی نا نفاذ نا چاروکی ءِ کننگ کن بنجائی و صوبائی کہول آتا جان جوڑی نا بابت اہم معلومداری تا گرج ءِ پورو کننگ ڈی ایچ آئی ایس پروگرام آن فیڈ بیک رپورٹ نا جم مسخت ضلعی منیجرز و فیسسیلٹی انچارج آتے کارکڑد و ٹی بی نا ناجڑی و درمان نا بابت بنداوی جاچ فراوان کننگ ءِ، ڈی ایچ آئی ایس پروگرام آن ٹیچنگ ہسپتال آتیکن رپورٹنگ فارم اس تیار کننگ ، ضلع غاتیٹی ٹی بی نا ناجوڑی و درمان نا پیدواری، ویل آتا جاچ، ڈٹ بندی آ عملدرآمد و چاروکی و ایسری نا جاچ ءِ پک کیک۔ پروگرام منیجر صوبائی ٹی بی پروگرام ڈاکٹر آصف شاہوانی پارینے کہ دارپورٹ ضلعی، صوبائی و قومی جان جوڑی نا منیجرآتے جان جوڑی نا حالیت، اوفتا خذمت، TB-Dots دوائی/گڑاتا دستیابی، المی ازباب و آسراتی پین پین نا تجزیہ کننگ اٹ کمک کیک۔
