کوئٹہ۔ 05 اکتوبر (اے پی پی)ڈپٹی کمشنر پشین کیپٹن ریٹائرڈ جمیل احمد بلوچ پارینے کہ زالبول آتے تعلیم کون آ زیور آن شپ کننگ آن بیدس ملکی شونداری و شونہالی ممکن اف، پائیدار شونداری کن راج انا ہر بندغ کن تعلیم بے کچ اہم ءِ روشنا آخبت کن لمہ و باوہ تینا چناتے زیور تعلیم آن شپ کیر تعلیم ہر انسان چائے او ہزگار مرے یا نیزگار، نرینہ مرے یا نیاڑی نا بنداوی گرج آتیان اسٹ ءِ، دا انسان نا حق ءِ ہرادے کس اس پُلنگ کپک۔ داخیال آتا درشانی ءِ او سردار بہادر خان وومن یونیورسٹی ، ڈگری گرلز کالج و بوائز ڈگری کالج پشین نا دورہ نا وخت آ پروفیسر، لیکچر، طالب علم آتون گپ وتران کرسا کرے، دورہ نا وخت آ ڈپٹی کمشنر پشین کیپٹن ریٹائرڈ جمیل احمد بلوچ ءِ تعلقدار یونیورسٹی تا پرنسپل آک چندی بلاک آتا دورہ ءِ کرفیر و کالج اٹ تعلیمی سرجزآتون اوار ایلو انتظامی امور نا بارواٹی سرجم حوال ہم تننگا، ڈپٹی کمشنر پشین جمیل احمد بلوچ کلاس آتیا ہنسا طالب علم آتون تعلیمی امور آ گپ وتران کرے اوکوالٹی آف ایجوکیشن ءِ پین گچین کننگ و طالب علم آتے پین آسراتی فراوان کننگ آ زور شاغا وپارے کہ استاد آک ننا میرات ءُ ہرا ننا چین نا تعلیم و تربیت اٹ اہم ءُ کڑد اس ادا کیرہ، اومستی پارے کہ استاد آک است انا حب اٹ خواری کیر و پوسکن آ خواست آتار داٹ طالب علم آتے زیور تعلیم آن شپ کیر و خوداعتمادی اتون تینا مشن ءِ برجاتخر۔
