اسلام آباد۔5اکتوبر (اے پی پی):چین ءِ “بیلٹ اینڈ روڈ انیشیٹیو” ءِ چیر دستی ءَ چین- پاکستان اقتصادی راہداری سی پیک منصوبگ ءِ سر ءَ دیمروئی کار آناں سہرا کنگ ءِ واستہ سرجمیں ملک ءَ اکسی مقابلہ ءِ واستہ پاکستان چائنا انسٹیٹیوٹ ءَ را سدانی کساس ءَ دزبندی رستگ۔ پاکستان چائنا انسٹیٹیوٹ ءِ کمک ءَ چہ وزارت ءِ شنگ کاری ءِ نیمگ ءَ بندات کتگیں، “سرجمیں ملک ءِ بے دروریں بیلٹ اینڈ روڈ انیشیٹیو منصوبگ آنی اکس کشی مقابلہ ” ھوار کتگیں اکس سر بوھگ ءِ گڈی رمس 7 اکتوبر 2023 انت۔ اکسی مقابلہ ءِ ٹائم لائن ءِ رد ءَ ”انفراسٹرکچر اینڈ ڈویلپمنٹ، پیپلزاینڈ سٹوریز ءُ انوائرمنٹل امپیکٹ“ ءِ کیٹیگریز ءَ پاکستان ءَ سی پیک ءُ بی آر آئی منصوبگ آنی ھوالگ ءَ اکس کشی مقابلہ 7 اکتوبر ءَ تاں جم کنائینگ بوت کن اَنت ، وھدیکہ 8 اکتوبر ءَ تاں 9 اکتوبر ءَ نامداریں اکس کش ، ازمکار ءُ سیادی داروکیں سرکاری ادارگ آں چہ ھواریں پینل ءِ نیمگ ءَ پکوئیں پیسلہ ءَ چہ مقابلہ ءِ باج بروک آنی جار 10 اکتوبر ءَ برجم دارگ بیت۔
وزیر ءِ اھوالکاری ءُ شنگ کاری ءُ پاکستانی چائنا انسٹیٹیوٹ ءِ شریکداری ءِ کمک ءَ چہ داد بھر ءُ بانگ ءِ مراگش ءُ نماش 12 اکتوبر 2023 ءَ برجم دارگ بیت ایشی ءِ اندر ءَ نامداریں بامرد ، کارندہ ءُ میڈیا ءَ گوں سیادی داروکیں مردم بھر زوی کن اَنت۔ وزارت ءِ اھوالکاری ءُ شنگ کاری ءَ ایکسٹرنل پبلسٹی ونگ ءِ ایگزیکٹو ڈائریکٹر جنرل بانک عنبرین جان ءَ مقابلہ ءِ واستہ بندوبست آنی چار ءُ تپاسی ءِ واستہ پنچ شمبے ءِ روچ ءَ فالو اپ دیوان ءِ سروکی کت۔ پاکستان چائنا انسٹیٹیوٹ ءِ سروک مصطفیٰ سید ءَ ابید دیوان ءَ ڈپٹی ڈائریکٹر جنرل پی آئی ڈی رئیسہ عادل ءَ را وزارت ءُ ایشی ءِ نزیکیں محکمہ آنی ایندگر کلانہ ایں اپسرگ آں بھر زوری کت۔ بانک عنبرین جان ءَ پاکستان چائنہ انسٹیٹیوٹ ءَ را وزارت ءُ ایشی ءِ بزیکیں محکمہ آں ھوار پی ٹی وی، ریڈیو پاکستان ، اے پی پی ، پی آئی ڈی، ای پی ونگ ، آئی پی ونگ ، ڈائریکٹوریٹ آف الیکٹرانک میڈیا پبلی کیشنز ءُ ایندگر ادارگ آنی ملٹی میڈیا پلیٹ فارمز کارمرز کنان ءَ اکسی مقابلہ ءَ را کامیات جوڑ کنگ ءِ واستہ ھمک رنگیں کمک کنگ ءِ دل یکیمی کنائینت۔
مصطفیٰ سید ءَ دیوان ءَ را سرجمیں ملک ءَ اکسی مقابلہ ءِ مول ءُ مراد ، ایشی ءِ کار رپک ءُ ٹائم لائن آنی ھوالگ ءَ سرپد کت ءُ گوشت کہ پاکستان چائنہ انسٹیٹیوٹ ءَ اکسی مقابلہ ءِ واستہ سدانی کساس ءَ دزبندی سر بوتگ۔ دیوان ءَ را گوشگ بوت کہ پاکستان چائنا انسٹی ٹیوٹ یک گیر سرکاری ، در ابید ءُ سیاست ءَ چہ درئیں تھنک ٹینک ات۔
ایش پاکستان ءُ چین ءِ الس آنی نیام ءَ یکوئی آناں دیمروئی دیگ ءِ واستہ واھشت ائیگ انت۔ پاکستان چائنا انسٹیٹیوٹ ایوارڈ باج بروک آںی واستہ چین ءِ تر ءُ تاب ءِ واستہ چین ءِ تر ءُ تاب ءِ ھم بست ءُ بند ءَ کنت۔ پنچ شمبے ءِ روچ ءَ بوھوکیں دیوان 25 ستمبر ءَ بنجاھی سیکرٹری اھوالکاری ءُ شنگ کاری ظہور احمد ءِ سروکی ءَ بوھوکیں دیوان ءَ را فالو اپ بوتگ ایشی ءِ ساھت ءَ سیکرٹری اھوالکاری ءَ گوشتگ کہ اکسی مقابلہ سی پیک ءُ بی آرآئی منصوبگ آناں سہرا کنگ ءِ گوما پاکستان ءُ چین ءِ نیام ءَ جھلانکیں ءُ نزیکٰں یکوئی آناں گیش مھکم جوڑ کنگ ءَ کمکار بیت۔
