کوئٹہ۔ 04 اکتوبر (اے پی پی)بلوچستان نا نگران وزیرحوالکاری جان اچکزئی پارینے کہ درملکی پردیسی تے 27 دے انا مہلت تننگانے، اوکان پد غیرکانودی پردیسی تے ملک بدر کننگک۔ داخیال آتا درشانی ءِ او چارشنبے نادے آ کوئٹہ پریس کلب اٹ پریس کانفرنس کرسا کرے۔ نگران صوبائی وزیرحوالکاری پارے کہ بنجائی حکومت و آرمی چیف نا پارت آن پد مچ آ ملک اٹی پردیسی تے اسہ تُو انا مہلت تننگاسس۔ پاکستان مدام اوغان ایلم تا کمک ءِ کرینے، ہرا اوغان شاری ویزہ ہلسا پاکستان آ بننگ خوارہ اوفتے ہچ ءُویل اس مفک ولے ویزہ آن بیدس کس اسے پاکستان اٹ پترینگ انگ نا موکل تفننگک۔ اوپارے کہ بلوچستان حکومت بنجائی حکومت نا فیصلہ غاتیا عملدرآمد کیک۔ اسہ سوج اسے نا ورندی ٹی اوپارے کہ مستونگ خودکش جلہو نا جاست وپاست برجاءِ۔ داسہ گڑاس پاننگ وخت آ ن مست مریک۔
