کوئٹہ۔ 04 اکتوبر (اے پی پی) شہید محمد نور مسکانزئی ڈگری کالج اٹ سٹوڈنٹس کونسل نا کنڈآن و کالج انتظامیہ نا کمک اٹ اسہ دے ئی ادبی میلہ اس اڈ ہلک۔ ادبی میلہ ٹی ’’کتب بینی نا اہمیت ‘‘ نا سرحال آ اڈ ہلوک سیمینار اٹی ایڈیشنل ڈپٹی کمشنر خاران فاروق شاہ و پرنسپل عبدالشکور گہرامزئی ئسک تران کریر و احمد مہر، مسلم شفیع ، ڈاکٹر شکورزائد، ایف جے فیضی، و شمعیم شاہ جی مقالہ پیش کریر وخت اس کہ بین اللسانی مشاعرہ بیاد واجہ مبارک قاضی نا مہمان خاص شاعر خاران حسرت خارانی ئس ، مشاعرہ ٹی خاران نا پنی آ شاعر احمد مہر، شکور زائد، زبیر شاد، ممتاز ارمان ، عطاء نصیر، جلال فراق، شمیم شاہ جی، تون اوار مسلم شفیع ، حافظ عبدالرزاق ، سفر خان راسکوئی، جہانزیب مینگل، شاہد حمل، عتیق مہر و اسرار سادگ تینا تینا شئیر آتے پیش کریر ، ادبی میلہ ٹی بک سٹاک ہم خلنگا ہراٹی طالب علم آک است خواہی نا چندی سرحال نا کتاب تخنگاسس۔ ایسر اٹ اسٹوڈنٹ کونسل نا راہشون عزیز اکرم پروگرام ءِ سرسہب کننگ و بشخ ہلنگ آ مہمان تا منت واری ءِ ہرفے، ایسر اٹ سازوزیمل نا پروگرام اٹی بلوچی گلوکار کالج اسٹوڈنٹ علی بلوچ تینا فن ءِ نشان تسر۔
