کوئٹہ۔ 04 اکتوبر (اے پی پی) نیب بلوچستان نا کنڈآن انسداد بدعنوانی نا بابت آگاہی مہم نا رداٹ گورنمنٹ بوائز ہائی اسکول اوستہ محمد اٹی پروگرام اس اڈتننگا، ہرانا مہمان خاص ڈسٹرکٹ آفیسر ایجوکیشن ساجد حسین و ڈسٹرکٹ آفیسر ایجوکیشن فیمیل آسیہ کھوسہ ئسک ئسر، پروگرام اٹی مچ آ ضلع نا گورنمنٹ بوائز و گرلز و پرائیویٹ اسکول آتا طالب علم و مچ آ ضلع نا ہیڈ ماسٹر آک بشخ ہلکر۔ اردو تقریری مقابلہ ٹی بلوچستان پبلک ہائی اسکول نا بینش اولیکو پوزیشن، رمشا گرلز ایری گیشن کالونی اسکول ارٹ میکو پوزیشن ءِ دوئی کرے، انگریزی تقریری مقابلہ ٹی علیزہ گورنمنٹ گرلز ہائی اسکول بھاگیاخان بلیدی اولیکو ، ماہ نور گورنمنٹ گرلز ہائی اسکول ایری گیشن ارٹ میکو پوزیشن ءِ ہلک۔ انگریزی مضمون نویسی نا مقابلہ غاتیٹی سیاراجانی بلوچستان پبلک اسکول اولیکو، شبیر احمد گورنمنٹ بوائز ہائی اسکول ارٹ میکوپوزیشن ءِ ہلک۔ اردومضمون نویسی نامقابلہ ٹی محمد عاطف گورنمنٹ بوائز ہائی اسکول اولیکو، مقدس بلوچستان پبلک اسکول ارٹ میکو پوزیشن ءِ ہلک۔ پوسٹر اینٹی کرپشن نا مقابلہ ٹی خدیجہ گورنمنٹ گرلز ہائی اسکول اوستامحمد اولیکو، رخسانہ گورنمنٹ گرلز ہائی اسکول بھاگیاخان بلیدی ارٹ میکو پوزیشن ءِ ہلک۔ کلی گرافی نا مقابلہ ٹی محمد عرفان گورنمنٹ بوائز ہائی اسکول اوستامحمد اولیکو، رخسار گل گورنمنٹ گرلز ہائی اسکول اوستہ محمد ارٹ میکو پوزیشن ءِ ہلک۔
