اسلام آباد۔ 03 اکتوبر (اے پی پی) صدر مملکت ڈاکٹر عارف علوی ملک اٹی ڈاکٹر ، نرس آتون اوار کسب کار بندغ آتا گرج آتے پورو کننگ آ زور شاغسا پارینے کہ ساڑی آ حالیت آتیٹی برین ڈرین ءِ توننگ کن گچین حکمت عملی نا گرج ءِ۔ او فاؤنڈیشن یونیورسٹی اسکول آف ہیلتھ سائنسز نا شعبہ ڈینٹسٹ و نرسنگ کانووکیشن آن تران کریکہ۔ اوپارے کہ مسابقتی ملازمت آتا وارخواہی فراوان کننگ و کاریم کن سازگار چاگڑد اس ودی کرسا خوانندہ و کسبکار بندغ آتا پیشن نا ملک آ ہِننگ نا کچ اتی کمتی اتنگ مریک ۔ صدر علوی پارے کہ ملک تینا وسیلہ ، ڈاکٹر، انجینئر و ایلو کسبی بندغ آتیا خلک، ولے کسب کار انسانی سرمایہ غان داوڑ فائدہ ہرفنگ کتو ہرانا زرگزران و شونداری نمو آمنفی اثرتمسا کرے۔ اوپارے کہ کسب کار ڈاکٹر آتا پیشن نا ملک ملازمت نا گرج ءِ کم کننگ نا گچین وڑدادے کہ اوفتے کن ملک انا تہہ ٹی روزگار نا گچین وارخواہی ودی کننگے۔ اوپارے کہ پاکستان ءِ جان جوڑی نا خذمت آتا بشخ اٹی گرج آتون مون تننگ کن 9 لکھ نرس آتا گرج ءِ ولے داوخت آننتون نرس آتا کچ 3 لکھ ءِ۔ اوپارے کہ ایف ایس سی (فیکلٹی آف سائنسز) پری میڈیکل نا بیرہ نہہ درسد طالب علم آتے پاکستان نا میڈیکل کالج آتیٹی داخلہ ملا، وخت اس کہ 25 درسد حساب وکتاب ننا ڈیہہ انا ملک آتا ءُ۔ داحالیت آتے اسہ حکمت عملی اسے نا گرج ءِ تانکہ زیات کچ اٹ طالب علم آتے ایڈجسٹ کننگ کن پین ادارہ جوڑ کننگے۔
