اسلام آباد۔ 03 اکتوبر (اے پی پی) ریکوڈک ڈٹ آ سہی وڑاٹ کاریم نا حالیت اٹ ملک اٹی شونہالی نا پوسکن آ دور بناکیک۔ حکومت و پاک فوج انا اسیجائی کوشست آتیان بناکروک آ ریکوڈک ڈٹ انا بارواٹی بلوچستان نا مخلوق تینا سلاہ نا درشانی ءِ کرسا دا ڈٹ ءِ نئے بیرہ علاقہ بلکن مچ آملک اکن بے کچ اہمیت نا حامل گوندانے۔ اسہ سروے اسے ٹی نوکنڈی و چاغی نا الس پارے کہ ریکوڈک ڈٹ بلوچستان خاص وڑاٹ نوکنڈی و چاغی نا الس کن بے کچ اہمیت تخک۔ اونا پاننگ ئس کہ حکومت وپاک فوج انا اسیجائی کوشست آتیان بناکروک آ ریکوڈک ڈٹ بھاز جوان ءُ گام اسے، داڑان علاقہ نا ورناتے روزگار ملک وخت اس کہ ڈٹ انا پوروی آن علاقہ ٹی شونہالی بریک۔ اوپارے کہ دا ڈٹ مچ آ ملک انا شونداری کن اہم ءِ، دا ڈٹ آ سہی وڑاٹ کاریم نا حالیت اٹی ملک اٹی شونہالی نا پوسکن آ دور بناکیک۔
