پیٹرولیم مصنوعات نا بہاٹی برجامالی سال انا اولیکو سہ ماہی ٹی 16درسد کمتی واقع

اسلام آباد۔ 03 اکتوبر (اے پی پی) پیٹرولیم مصنوعات نا بہاٹی برجامالی سال انا اولیکو سہ ماہی ٹی سالانہ بنداو تیا 16 درسد نا کمتی ریکارڈ کننگانے۔ اوسی اے سی و انڈسٹری نا حساب وکتاب نا رداٹ جولائی آن ستمبر اسکان نا مد اٹی 3.77 ملین ٹن پیٹرولیم مصنوعات آتا بہاریکارڈ کننگا ہرا تدوک آ مالی سال انا ہندا مد انا مقابلہ ٹی 16 درسد کم ءُ۔ تدوک آ مالی سال انا ہند امد اٹی 4.49 ملین ٹن پیٹرولیم مصنوعات نا بہاریکارڈ کننگاسس۔ ستمبر اٹی 1.01 ملین ٹن پیٹرولیم مصنوعات آتا بہامون آ بس ہرا تدوک آسال ستمبر نا مقابلہ ٹی 34 درسد کم ءُ۔ تدوک آ سال ستمبر اٹی 1.52 ملین ٹن پیٹرولیم مصنوعات آتا بہا ریکارڈ کننگاسس۔ اگست نا مقابلہ ٹی ستمبر اٹی پیٹرولیم مصنوعات آتا بہاٹی ماہانہ بنداوتیا 16 درسد نا کمتی ریکارڈ کننگا۔ اگست اٹی 1.41 ملین ٹن پیٹرولیم مصنوعات نا بہاریکارڈ کننگا ہرا ستمبر اٹی کم مرسا 1.01ملین ٹن مس۔ حساب وکتاب نا رداٹ اولیکو سہ ماہی ٹی پیٹرول نا بہاٹی سالانہ بنداوتیا اسہ درسد، ہائی اسپیڈڈیزل نا بہاٹی 2 درسد و فرنس آئل نا بہاٹی سالانہ بنداوتیا 65 درسد نا کمتی ریکارڈ کننگا۔ پی ایس او نا پیٹرولیم مصنوعات آتا بہاٹی اولیکو سہ ماہی ٹی سالانہ بنداوتیا 19 درسد، اٹک پیٹرولیم 7 درسد، شیل 16 درسد کمتی وخت اس کہ حیسکول نا پیٹرولیم مصنوعات آتا بہاٹی اولیکو سہ ماہی ٹی سالانہ بنداوتیا 35 درسد نا ودکی ریکارڈ کننگا۔