کوئٹہ۔ 03 اکتوبر (اے پی پی) ڈائریکٹر جنرل جی ڈی اے مجیب الرحمان قمبرانی نا کماشی ٹی پنچ می گوادر آف روڑریلی نا اڈتننگ کن تیاری تا سرجمی اٹ جاچ ءِ ہلنگا۔ گوادر آف روڑریلی نا چیف ایگزیکٹیو آفیسر طلحہ رئیس ڈائریکٹر جنرل ءِ داتم اسکان پیش رفت نا بابت معلومدار کرساپارے کہ 250 کلومیٹر مرغن ٹریک نا کاریم کم و ود پورو مسنے ہراکہ ریک انا چٹان، سمندر نا …
ڈائریکٹر جنرل جی ڈی اے نا کماشی ٹی پنچ می گوادر آف روڈریلی کن تیاری تا سرجمی اٹ جاچ
کوئٹہ۔ 03 اکتوبر (اے پی پی) ڈائریکٹر جنرل جی ڈی اے مجیب الرحمان قمبرانی نا کماشی ٹی پنچ می گوادر آف روڑریلی نا اڈتننگ کن تیاری تا سرجمی اٹ جاچ ءِ ہلنگا۔ گوادر آف روڑریلی نا چیف ایگزیکٹیو آفیسر طلحہ رئیس ڈائریکٹر جنرل ءِ داتم اسکان پیش رفت نا بابت معلومدار کرساپارے کہ 250 کلومیٹر مرغن ٹریک نا کاریم کم و ود پورو مسنے ہراکہ ریک انا چٹان، سمندر نا کرک و مشی آ چرجوئی آن گدرینگسا دااسہ زیباو یکتا ٹریک اسے ہرا ریسرآتے تینا لائخی تے مون آ اتنگ نا موقع اس فراوان کیک۔ داوخت آ ڈائریکٹر جنرل پارے کہ آف روڈ ریلی ملکی، درملکی و ہندی کہول آ بھلو کچ اسے ٹی ریسرآ ک اوار مننگ ءُ ہرانا سوب آن دا میگا ایونٹ ءِ ملکی و درملکی و ہندی کہول آ است بڈی دو ئی ءِ۔ و ایونٹ نا وخت آ گوادر شار پیشن آن بروک آ ہزار آ سیل و سواتی تا مہمانداری ءِ کیک ہراکہ اسہ مثبت کاروباری سرگرمی اتون اوار اوار داجاگہ نا کلچر، سیل و سوات نا مون آ دننگ و پرامن چاگڑد کن مزل نا نشان جوڑ مریک۔ دیوان اٹی ڈائریکٹر جنرل داتم اسکان نا بست وبند آتا بابت است جمی نا درشانی ءِ کرسا تیاری تے گڈیکو دروشم اس تننگ کن چندی کمیٹی جوڑ کننگا تانکہ سال انا غٹ آن بھلا ایونٹ نا شاندار اڈتننگ ءِ پک کننگ مرے۔ ڈائریکٹر جنرل پارے کہ ہندی ڈیور و ریسرآتا است بڈی ءِ کننگک تانکہ اوفتا شمولیت زیات آن زیات مرے و غٹ کیٹگری تیٹی سرسہبی ءِ تینا پن آ کننگ کیر۔
