کوئٹہ۔ 03 اکتوبر (اے پی پی) نگران وزیر حوالکاری بلوچستان جان اچکزئی پارینے کہ صوبہ پوسکن آ ٹیکنالوجی ٹی مون آ ہِننگ کن تیار ءِ، گرلز کیڈٹ کالج تربت اٹی کیڈٹ آتا تینا کالج نا ڈٹ آتیکن ڈی 3 پرنٹر نا کاریم اٹ اتنگ دا تکنیکی بدلی نا بناءِ۔ تینا جاری بیان اسے ٹی اوپارے کہ گرلز کیڈٹ کالج تربت نا کیڈٹ آک تینا لیبارٹری نا سرجزآتیٹی چیٹ جی پی ٹی نا کمک اٹ تینٹ فائدہ ہرفنگ ءُ ہرا ستاکڑزوک ءُ گام اسے۔ اوپارے کہ مچ آ بلوچستان اٹی آرٹیفیشل انٹیلی جنس ءِ تینا کننگ نا اسہ پوسکن ءُ دور اسے نا بناءِ کرسا گرلز کیڈٹ کالج تربت آن پیشن اے آئی نا اسراتی تا ودفنگ نا ڈٹ آتا خاکہ اس پیش کرے۔ اوبلوچستان نا اے آئی ٹی سبقت دوئی کننگ نا است خواہی و دا کوشست اٹی چینی حکومت نا کمک دوئی کننگ نا ارادہ غا ہم زور شاغا۔ اوپارے کہ نن نجی بشخ انا زرکاری ءِ 3 ڈی پرنٹرومصنوعی ذہانت آن شپ پوسکن آئی ٹی لیب جوڑ کننگ کن بٹنگ انگ اُن۔ وزیرحوالکاری دایقین نا درشانی ءِ کرسا پارے کہ ننا طالب علم آک ملک انا ایلو بشخ آتیٹی تینا ہم منصب آتون ترندی اٹ مون آکار۔ اوپارے کہ گرلز کیڈٹ کالج تربت اٹی اولیکوآئی ٹی لیب زوت آن لائن مریک ہرا مچ آ قوم انا مون آ پوسکن آ ٹیکنالوجی ءِ تینا کننگ اٹ بلوچستان نا آئی ٹی نا بشخ اٹی پیش رفت ءِ پاش کیک۔
