خرم شہزاد
اسلام آباد۔ 02 اکتوبر (اے پی پی) منیجنگ ڈائریکٹر پاکستان بیت المال ملک عامر فدا پراچہ پارینے کہ پاکستان بیت المال آن اسہ سال اٹی جم وڑات اسہ کروڑ 16 لکھ 16 ہزار 574 ضرورت مند بندغ آک فائدہ ہرفینو، شیلٹر ہوم تیان فائدہ ہرفوک آ تا کچ اسہ کروڑ آن گدرینگانے، 68 بیت المال آن ہزار 272تعلیمی وظیفہ غاتا بنامس وخت اس کہ دونیم لکھ بندغ آتے درمان کن مالی کمک تننگا۔ دوشنبے نادے آ قومی خبررساں ادارہ ’’اے پی پی‘‘ تون خصوصی گپ وتران کرسا ایم ڈی پاکستان بیت المال ملک عامر فداپراچہ پارے کہ پاکسدتان بیت المال چوری آ چناتے سویٹ ہوم اٹی تعلیم تون اوار اوار ہنکین نا آسراتی ہم فراوان کننگ ءِ۔ ملک انا چندی بشخ آتیٹی 51 سویٹ ہوم ءُ ہرافتے ٹی اسلام آباد و آزاد کشمیر ریجن اٹی 11 سویٹ ہوم، لاہور اٹی 9، ملتان اٹی 5، گلگت بلتستان اٹی 3، سندھ اٹی 11، کے پی کے ٹی 8 و بلوچستان نا 4 سویٹ ہومک اوار ءُ۔ داسویٹ ہوم تیٹی ساڑی چناتے مفت آب اٹ ہنکین ، خور، مفت تعلیم، یونیفارم ، کتاب، میڈیکل نا آسراتی، سکل ڈویلپمنٹ، مفت لانڈری سروس، مذہبی تعلیم و کونسلنگ تننگک۔ سویٹ ہوم تیٹی 4 آن 6 سال وئی نا چناچناتے داخلہ تننگک۔ داوخت آ پاکستان سویٹ ہوم اٹی 6 ہزار چوری چنا ءُ۔ ایم ڈی بیت المال پارے کہ برجاسال اٹی ستمبر اسکان شیلٹر ہوم تیان فائدہ ہرفوک آتا کچ اسہ کروڑ 32 لکھ 29 ہزار 739 اسکان سرمسنے۔ اسہ کروڑ 22 لکھ 39 ہزار بندغ آتے کن و خور وخت اس کہ 99 ہزار 647 ءِ رہینگ انگ کن چھت فراوان کننگا۔ شیلٹر ہوم بینفشریزاٹی 45 لکھ 25 ہزار اسلام آبادآن، 23 لکھ سندھ آن ، 6 لکھ 14 ہزار بلوچستان آن وخت اس کہ 22 لکھ کے پی کے نا ءُ۔ اسہ سوج اسے نا ورندی ٹی اوپارے کہ تھیلی سیمیاناجوڑی میرات اٹی ملک۔ اسہ رپورٹ اسے نا رداٹ پاکستان اٹ کم و ود 100،000مریض تھیلی سیمیا ٹی اختہ ءُ و ہرسال 5،000 چنا دا مہلک مرض اتون ودی مریرہ۔دا مریض آتے ماہانہ بنداوتیا باقاعدہ تشخیصی جاست وپاست اتون مستند ہیماٹولوجسٹ تون سلابت آن پد باقاعدگی اٹ دترنا گدریفنگ ءِ۔ تھیلی سیمیا نا مرض اٹی ودکی ءِ مون آ تخسا پاکستان بیت المال آزادکشمیر، قطبی علاقہ جات، گلگت بلتستان و اسلام آباد اٹی پوسکن آ تھیلی سیمیا سینٹر جوڑ کرینے ہراڑے اونا مریض آتا مفت درمان ءِ کننگ انگ ءِ۔
