صدر مملکت ناقومی بچت ءِ فراڈزہمی زالبول ءِ 12 لکھ روپئی بمع منافع پدی تننگ ناپارت، بنجائی محتسب نا فیصلہ نا برخلاف مرکزی قومی بچت ڈائریکٹوریٹ نا اپیل ءِ مسترد کرے

اسلام آباد۔ 02 اکتوبر (اے پی پی) صدر مملکت ڈاکٹر عارف علوی قومی بچت ءِ فراڈ زہمی زالبول ءِ 12 لکھ روپئی بمع منافع پدی تننگ پارت کرسا بنجائی محتسب نا فیصلہ نا برخلاف مرکزی قومی بچت ڈائریکٹوریٹ نا اپیل ءِ مسترد کرے۔ ایوانِ صدر نا پریس ونگ آن دوشنبے نادے آ جاری بیان نا رداٹ راولپنڈی نا زالبول شاری نا اکاؤنٹ آن جعلی چیک بک نا کمک اٹ 12 لکھ روپئی کشفنگاسس۔ صدر مملکت  تینا فیصلہ ٹی پارے کہ مرکزی قومی بچت ڈائریکٹوریٹ باندات نا جوان جاست وپاست کن کیس ءِ ایف آئی اے آ گدریفے و انکوائری آن پد فراڈ نا باندات اٹی اوار کارندہ غاتے سزاتننگے۔ سرجم حوال آتا رداٹ عابدہ رفعت (غاو تروک) بنجائی محتسب ءِ غاو کرے کہ اونا قومی بچت راولپنڈی ٹی پنشنرز بینفیٹ اکاؤنٹ ئس، زالبول ءِ 2021اٹی سماتماکہ 2019اٹی اونا اکاؤنٹ آن 12 لکھ روپئی فراڈ اٹ کشنگا، زر ءِ اسہ چیک بک اسےنا کمک اٹ کشنگا ہرازالبول ءِ اسُل جاری کننگتویسس۔ زالبول فراڈ نا چھان پین و زر اناوصولی کن قومی بچت ءِ غاو نوشتہ کرفے، باندات نا سہی چھان بین ءِ کننگتو و زالبول ءِ پاننگاکہ او ہچ ءُ شاہدی اس پیش کننگ کتو۔ زالبول بنجائی محتسب تون رابطہ کرے ہراقومی بچت ءِ باندات ایف آئی اے آ گدریفنگ نا پارے۔ قومی بچت باندات ءِ ایف آئی اے آ گدریفنگ نا جاگہ غا صدر مملکت ءِ اپیل دائر کرے۔ صدر مملکت بنجائی محتسب نا فیصلہ نا برخلاف مرکزی قومی بچت ڈائریکٹوریٹ نا اپیل ءِ مسترد کرے۔ صدر مملکت بنجائی محتسب نا فیصلہ ءِبرقرار تخسا زالبول ءِزر ءِ پدی تننگ نا پرمان کرینے۔