اسلام آباد۔ 02 اکتوبر (اے پی پی) نگران بنجائی وزیر حوالکاری و شینکاری مرتضیٰ سولنگی پارینے کہ گچین کاری تا اڈتننگ نا زمواری الیکشن کمیشن نا ءِ، نن الیکشن کمیشن نا کمکاری ءِ کننگ نا زموار اُن، مولانا فضل الرحمان بھلو جماعت اسے نا راہشون ءِ، اونا بیان نا جوان ورندی ءِ الیکشن کمیشن تننگ کیک۔ دوشنبے نادے آ داڑے میڈیا تون گپ وتران کرسا نگران بنجائی وزیر حوالکاری اسہ سوج اسے آ پارے کہ مولانا فضل الرحمان بھلوجماعت اسےنا راہشون ءِ ، اونا بیان ءِ الیکشن کمیشن خنوئے، ہمواونا سہی ورندی ءِ تننگ کیک۔ گچین کاری تا اڈتننگ نا زمواری الیکشن کمیشن نا ءِ، نن الیکشن کمیشن نا کمکاری نا زموار اُن۔ نواز شریف نا وطن آ پدی بننگ نا بابت سوج آ او پارے کہ نواز شریف نا پدی بننگ نا نگران حکومت تون ہچ ءُ تعلق اس اف۔ اسہ پین سوج اسے آ اوپارے کہ چین و پاکستان نا تعلقداری سدابہار ءِ و اوفتا آخبت بھاز جوان ءِ۔
