اسلام آباد۔ 02 اکتوبر (اے پی پی) بنجائی دارالحکومت اسلام آباد اٹی پنچ سال آن کم وئی نا چناتے پولیو نا پڑی کُنفنگ نا 7 دے ئی پولیو تور مہم دوشنبے آن بناکرینے۔ ضلعی انتظامیہ نا کنڈآن جاری بیان نا رداٹ ڈپٹی کمشنر اسلام آباد عرفان نواز میمن نا پارت آ ایڈیشنل ڈپٹی کمشنر ایسٹ عثمان اشرف پولیو مہم نا ٹیم تتون اوار اسلام آباد نا چندی علاقہ غاتا دورہ ءِ کرے۔ ڈپٹی کمشنر اسلام آباد نا پارت آ ایڈیشنل ڈپٹی کمشنر ایسٹ عثمان اشرف نا چاروکی ٹی اسسٹنٹ کمشنر آک تینا تینا دنگ انا حامل چندی علاقہ غاتیٹی ٹیم تا دورہ ءِ کننگ ءُ۔ ایڈیشنل ڈپٹی کمشنر ایسٹ عثمان اشرف پارے کہ انسدادِ پولیو مہم (اینو) دوشنبے آن 7 دے اسکان برجاسلک ہراٹی پنچ سال آن کم چناتے پولیو ویکسین کُنفنگ نا ہدف مقرر کننگانے ہرادے پورو کننگ کن پولیو ورکر، پولیو ٹیم تیان بیدس ایلوعملہ اُرا اُراغا ہنسا پنچ سال آن کم وئی نا چناتے پولیو ویکسین کُنفنگ ءُ ۔ دابابت ایڈیشنل ڈپٹی کمشنر ایسٹ عثمان اشرف لمہ و باوہ غاتیان خواست کرینے کہ او تیان چناتے پولیو نا اِرا پڑی ضرور کنفر و پولیو آن رکھ پاکستان اس جوڑ کیر۔
