اسلام آباد۔ 02 اکتوبر (اے پی پی) پاکستان سول ایوی ایشن اتھارٹی نا ترجمان پارینے کہ سلام ایئرلائن نا فلائٹ اولیکو وار باچاخان انٹرنیشنل بالی پٹ آ لینڈنگ کرے۔ دوشنبے نادے آ سول ایوی ایشن نا ترجمان نا بیان نا رداٹ سلام ایئر نا مسقط آن اولیکو جہاز سہب انا 3بجہ ءُ 13 نٹ آ پشاور انٹرنیشنل بالی پٹ آ سرمس ہرادے ٹیکسی وے آ فائر ٹینڈرز روایتی واٹر سلوٹ پیش کرے۔ ترجما ن پارے کہ سلام ایئرنا منیجنگ ڈائریکٹر و ڈائریکٹر آپریشن ہم ہندا فلیٹ نا کمک اٹ پشاور آ سرمسر۔ داوخت آ سلام ایئرگروپ و مینز یزرائل ایئر پورٹ سروسز(ایم ۔آراے ایس) نا بڑزکو عہدیدار آک ہم ساڑی ئسر۔ (ایم ۔ آراے ایس) و سلام ایئر نا کنڈآن سی آئی پی لاؤنج اٹی اسہ گونڈ ءُ دود اسے نا بست وبند ہم کننگا ہراٹی ڈپٹی اے پی ایم، ڈیوٹی ٹرمینل منیجر(ڈی ٹی ایم) و ایئرپورٹ سروسز ٹیم سول ایوی ایشن نا نمائندگی کرے۔ یات سلے کہ سلام ایئر ہفتہ ٹی اِرادے (دوشنبے و پنچ شنبے) آ مسقط آن براہ راست پشاور فلائٹ آتا بناءِ کرینے۔
