کوئٹہ۔ 02 اکتوبر (اے پی پی) نگران صوبائی وزیر بلدیات شیخ محمود الحسن مندوخیل پارینے کہ شعبہ طب اسہ مقدس ءُ پیشہ سے الس ءِ جان جوڑی نا آسراتی تا فراوانی ءِ پک کننگے۔ داخیال آتا درشانی ءِ او ڈی ایچ کیو ہسپتال ژوب انا دورہ نا وخت آ گپ وتران کرسا کرے۔ داوخت آمسکوہی سینیٹر شیخ سعید الحسن مندوخیل ، ڈی ایچ او ڈاکٹر مظفر شاہ، ایم ایس ڈاکٹر نورالحق و ایلوفک ہم ساڑی ئسر۔ نگران صوبائی وزیر ہسپتال نا چندی بشخ آتا معائنہ ءِ کرے۔ داوخت آ چندی بندغ آک صوبائی وزیر تون ڈی ایچ کیو ہسپتال اٹی درمان و دوائی تا کمتی نا غاو کریر۔ نگران صوبائی وزیر شیخ محمود الحسن مندوخیل پارے کہ الس ءِ جان جوڑی نا آسراتی تا فراوانی حکومت نا اولیت آتیٹی اوار ءِ، ڈی ایچ کیو ہسپتال اٹ درمان ودوائی تا ملپننگ نا بابت شاری تا غاو تا بارواٹی صوبائی وزیر جان جوڑی و سیکرٹری جان جوڑی تون رابطہ کیوہ۔ اوپارے کہ ڈاکٹر و پیرامیڈیکل اسٹاف انسانی خذمت نا جوزہ غان سرشار رسا فرض ءِ سرایتر۔
