کوئٹہ۔ 02 اکتوبر (اے پی پی) نگران وزیرداخلہ بلوچستان میر زبیر احمد جمالی پارینے کہ سانحہ مستونگ اٹ اوار بندغ آتا برخلاف پبی کارروائی کننگک، دہشت گرد جلہو آتیان ہچ ءُ حالیت اسے ٹی مرعوب مفنہ۔ اومیڈیا تون گپ وتران کرسا پارے کہ سانحہ مستونگ نا اخس کہ مذمت ءِ کننگے کم ءِ، ژوب، مستونگ، و ہنگو ٹی مروک آ جلہو آک مذمت نا قابل ءُ۔ اوسانحہ مستونگ نا شہیدآتا درجہ غاتا بڑزی کن دعاکرے۔ اوپارے کہ آرمی چیف سید عاصم منیر و نگران بنجائی وزیر داخلہ میر سرفراز بگٹی نا کوئٹہ غا بننگ نا مسخت داپیدوار کننگ ءِ کہ غٹ ادارہ غاک دہشت گردی نا برخلاف اسہ پنہ غاٹی ءُ۔ او اسہ سوج اسے نا ورندی ٹی پارے کہ نگران حکومت نا اولیت شفاف گچین کاری کرفنگ ءِ و امن و ایمنی و شونداری ڈٹ آتے مون آدننگ ہم ننا زمواری ءِ۔ اوپارے کہ مستونگ خودکش جلہو نا جاست وپاست برجاءِ ، الس نا جان ومال انا رکھ انا زمواری حکومت نا ءِ۔
