کوئٹہ۔ 02 اکتوبر (اے پی پی) بلوچستان اٹی کانگو دین آن پین اِرا مریض زوال کریر اوکان پد مرک آتا کچ 13 مسنے۔ فاطمہ جناح ہسپتال انتظامیہ نا رداٹ برجاہفتہ پین اِرا مریض کانگو دین نا سوب آن زوال کریر۔ 22 سال انا سلطان محمد و 63 سال انا سعد ملوک ءِ تدوک آ ہفتہ با ہ و بامس آن دتربننگ نا غاو آ نازرک حالیت اٹی ہسپتال آ اتنگا ہراڑے ہڑتوم آناجوڑآک دراخ جوڑ مننگ کتور۔ سلطان محمد ناتعلق کوئٹہ نا علاقہ سیٹلائٹ ٹاؤن وخت اس کہ سعد ملوک نا تعلق اوغانستان آن ئس ہراکہ عارضی وڑاٹ کوئٹہ ٹی مقیم ئس۔ہسپتال انتظامیہ نا پاننگ ءِ برجاسال مچ آ صوبہ ٹی کانگو دین آن 13 بندغ زوال کرینو وخت اس کہ 33 آن زیات کیس رپورٹ مسنے۔ کانگو دین آن زہمی مروک آ بندغ آتیکن ہسپتال اٹ جتا وارڈ اس ہم جوڑ کننگانے۔ کمامدارآتا پاننگ ءِ کہ رکھی گام گیج اختیار کرسا دا موذی مرض آن تینے بچفنگ مریک۔
