اسلام آباد۔1اکتوبر (اے پی پی): پاکستان ءُ آزربائیجان ءَ موسمی مٹ ءُ بدلی آں چہ پیداک بوھوکیں جیڈھ آنی گیواری ءُ مھکمیں اربن پلاننگ ءِ منصوبگ بندی ءِ واستہ یکجائی ءَ کار کنگ ءِ سر ءَ تپاک کتگ۔ اے تپاکی ادارکی بنجاھی وزیر منصوبگ بندی برائے دیمروئی ءُ ھاسیں گامگیج محمد سمیع سعید ءُ چیئرمین سٹیٹ کمیٹ برائے اربن پلاننگ ءُ جوڑیشت آزربائیجان انار گلییف ءِ نیام ءَ گند ءُ نند ءِ ساھت ءَ یک شمبے ءِ روچ ءَ آزربائیجان ءَ کنگ بوت۔ ادارکی وزیر ءِ منصوبگ بندی دومی آزربائیجان نیشن اربن فورم ءُ میاں اوستمانی یوم ہیبی ٹیٹ 2023 ءِ سر ءَ حکومت آزربائیجان ءِ دعوت ءِ پد ءَ ھاسیں رنگ ءَ سرکاری تر ءُ تاب ءَ اِنت۔ وتی ھمکار ءِ گوما گند ءُ نند ءِ ساھت ءَ بنجاھی وزیر محمد سمیع سعید ءَ آزربائیجان ءَ آماچیں دمگ آنی تہ ءَ شہری منصوبگ بندی ءُ جوڑیشتی ازم ءِ ریاستی کمیٹی ءِ نیمگ ءَ کتگیں برجائی ءُ نوک سر جوڑیشت ءِ کوشست ءَ را ساڑات۔ دوئیں پریک آں وت مہ وتی رد ءَ من ات کہ شہری منصوبگ بندی یک گواچنی جیڈھ ات ءُ میاں اوستمانی تجروبت آں چہ سکھگ لوٹ ائیت ءُ دیم ءُ جنزگ ءِ کشک ءِ در چنگ ءِ واستہ آزربائیجان نیشنل اربن وڑیں فورمز آناں باز ضلورتی انت۔
