ڈیرہ اسماعیل خان۔25جولائی (اے پی پی): مزن وزیر محمد شہباز شریف ءَ گوشتگ کہ خیبر پختونخوا ءَ سڑک آں ھوار ایندگر منصوبگ آنی جال چیر گیجگ بوھگ ءَ انت، راج ءِ ھالت ءِ مٹ کنگ ءِواستہ کشکول پروشھگ لوٹ ائیت، شہنشہاہی ھر چ ءُ درچ آنی تہءَ کمی ءُ کرپشن ءِ ھلاسیءَ کنگ ءَ ابید ملک دیمروئی کت نہ کنت، مارا گوات، سولر ھاٹیگ ءُ پن توان منصوبگ آنی سر ءَ دلگوشی دیگ لوٹ ائیت۔ اگاں گوست ءَ اے شوبگ آنی تہءَ دلگوشی دیگ بو بوتیں گڈا ملک ءِ معاشی جاور ایش نہ بوتگ اتنت۔ اے ھیالانی درشانی آئی ءَ سئے شمبے ءَ ڈیرہ اسماعیل خان ءَ 8 ٹوھیں دیمروئی منصوبگ آنی بنگیج ءُ بن ھشت ءِ ایر کنگ ءِ مراگش ءَ گوں گشتانک دیان ءَ کت۔ آئی ءَ گوشت کہ استیں حکومت ءَ تاریخ ءِسک تریں جیڈھ ءُ جنجال میراس ءَ رستگ انت۔ لکوکیں دور ءِ حکومت ءَ جیڈھ آں گوں گر ءُ چیل بوھگ ءِ گیشاں چہ گیش کوشست کتگ۔ 11 اپریل 2022 ءَ وتی اگدہ ءِ سوگند چست کتگ ءُ تاریخ ءِ سک تریں جیڈھ ءُ جنجال میراس ءَ رستگ انت۔ لکوکیں دور ءِ حکومت ءَ جیڈھ ءُ جنجال آنی گیواری ءِ واستہ گیشاں چہ گیش کوشست کتگ۔ 11 اپریل 2022 ءَ وتی اگدہ ءِ سوگند چست کتگ ، سما بوتگ کہ جیڈھ است بلے ایشی ءِ اندازگ نہ بوتگ کہ چو چپ ءُ چوٹیں جیڈھ انت۔ آئی ءَ گوشت کہ گوستگیں سال ءَ پاکستان ءِ تاریخ ءِ ٹوھیں سیلاپ بوتگ، سرجمیں ملک ءَ 3 کروڑ 30 لکھ مردم سیلاپ ءَ چہ آماچ بوتگ انت، بنجاھی حکومت ءَ سیلاپ ءِ آماچیں مردم آنی برجائی ءِ واستہ 100 ارب کلدار ءِ فنڈ پجاری کتگ، صوبگ آنی کمکی کاروائی آنی تہءَ گیشاں چہ گیش بھر زورتگ۔ آئیءَ گوشت کہ ملک ءَ را سیلاپ ، گران قیمتی ٹیل ءِ درآمد کنگ، ناشرکاری ، سیاسی کشاں چیل ءُ پیسریگیں حکومت ءِ نیمگ ءَ چہ آئی ایم ایف ءِ گوما منوگری آنی پروشگ ءَ چہ پد اے برجائی وڑیں جیڈھ آنی گوما دیم پہ دیمی بوتگ، ما جھد ءُ مزن جگیں کوشست ءِ گوما ہار نہ من اتگ ءُ گوں دلیری ءَ دیم پہ دیمی کتگ۔
