اسلام آباد۔25جولائی (اے پی پی): وزیر ءِ درئی کار بلاول بھٹو زرداسری ءَ اسلامی کمکی گل او آئی سی ءِ سیکرٹری جنرل حسین براہیم طحہ ءَ را ٹیلی فون کت۔ سئے شمبے ءَ درئی کارانی کارگس ءِ رد ءَ اے ٹیلی فون کال سویڈن ءُ ایندگر یورپی ملک آنی تہءَ قرآن پاک ءِ بے شرپی ءِ یک ءَ چہ رند دگہ یکے بوھگ ءِ رد ءَ کنگ بوتگ۔ وزیر ءِ درئی کار ءَ بے شرپی ءِ کاروائی آناں مذمت کتگ ایش میاں اوستمانی کانود آنی یک پارگی ءَ ھلاپ انت۔ آئی ءَ او آئی سی ءِ سیکرٹری جنرل ءَ را 6 جولائی 2023 ءَ پاکستان ءِ پارلیمنٹ ءِ یکجائی دیوان ء منظور کنگ بوتگ منوگری ءُ 7 جولائی 2023 ءَ سرجمیں پاکستان ءَ قرآن پاک ءِ شرپ ءِ درگت ءَ روچ برجم دارگ ءِ ھوالگ ءَ سرپد کت ایش قرآن پاک ءِ واستہ پاکستان ءِ الس آنی واھشت آنی درشان ءَ کت۔ وزیر ءِ درئی کار ءَ اے گپ ءَرا ساڑات کہ او آئی سی سیکرٹری جنرل ءِ سروکی ءَ اے لائک ءِ مذمتی کاروائی آناں زوت پسو دیگ ءَ انت۔
