اسلام آباد۔25جولائی (اے پی پی): مزن وزیر محمد شہباز شریف ءَ ڈیرہ اسماعیل خان ءَ 8 دیمروئی منصوبگ آنی بنگیج ءِ ھاترا بن ھشت ایر کت۔ سئے شمبے ءَ مزن وزیر محمد شہباز شریف ءَ یک روچی تر ءُ تاب ڈیرہ اسماعیل خان ءَ پج اتگ اداس آءیءَ جتا جتائیں دیمروئی منصوبگ آنی بنگیج کت ءُ بن ھشت ایر کت۔ اے موہ ءَ پی ڈی ایم ءِ سروک مولانا فضل الرحمان ، بنجاھی وزیر رسانک مولانا اسعد محمود، بنجاھی وزیر ھاٹیگ انجینئر خرم دستگیر ، وزیر ءِ مملکت برائے پٹرولیم مصدق ملک ءَ ابید دمگ ءِ شرپ مندیں مردم آنی ٹوھیں کساسے ءِ ساڑی ات۔ مزن وزیر ءَ ھما 8 ٹوھیں دیمروئی منصوبگ آنی بنگیج کتگ ءُ بن ھشت ایر کتگ ایشانی تہءَ یارک ءَ چہ پہاڑ پور دگ، بنوں چوک تا موٹروے دگ، ڈیرہ اسماعیل خان بائی پاس، یارک تا ٹانک ءَ ھوار جتا جتائیں رابطہ سڑک ، 220 کے وی سب سٹیشن ءُ ٹیل ءُ گیس ءِ پجاری ءِ منصوبگ ھوار انت۔
