اسلام آباد۔25جولائی (اے پی پی): کانودءُ انصافءِ ملکی وزیر سینیٹر شہادت اعوانءَ گشتگ کہ یوٹیلٹی سٹورز کارپوریشن ءَ را گوستگیں سال 2.1 ارب ءِ پائدگ بو تگ۔ سئے شمبےءِ روچءَ ایوان بالا ءِ دیوان ءَ جستء ُ پُرسءِوہدءَ سینیٹر وقار مہدی ء ُ کیشوبائی ءِ جستانی پسوءَ آئی ءَ گشتگ کہ یوٹیلٹی سٹورزآں ارزانیں نیاداں سامان دیئگ بیت ء ُ یوٹیلٹی سٹور آں 12 ہزار مردماناں روزگار رسگءَ اِنت، گوستگیں سال یوٹیلٹی سٹورآناں 2.1 ارب کلدارءِ پائدگ بوتگ، انوگیں حکومت ءَ مالی سال 23 ۔ 2022 ءَ یوٹیلٹی سٹور آناں 35 ارب کلدارءِ سبسڈی داتگ۔ سینیٹر مشتاق احمد ءِ یک دگہ جستے ءِ پسوءَ آئی ءَ گشتگ کہ کھیوڑہ ءَ چہ واد در کیئت، پاکستان ءَ چہ بھارتءَ را واد برآمد کنگ بوہگءَ نااِنت بلے یورپی ملک آناں واد برآمد کنگ بوہگءَ اِنت کہ ایشی ءَ چہ برآمدات ءِ تہا باز گیشی بوتگ۔
