اسلام آباد۔ 24 جولائی (اے پی پی) چیئرمین سینیٹ محمد صادق سنجرانی مچ آ ملک و خاص وڑاٹ صوبہ بلوچستان اٹی مروک آ ساڑی آ پِر و دریاتیٹی ترند انگا دیر تا سوب آن نوکاپی دیر تیان مروک آ جونی و مالی نسخان تیا ڈکھیائی و است ہسونی نا درشانی ءِ کرینے۔ چیئرمین سینیٹ تعلقدار ضلعی انتظامیہ، ڈیزاسٹر مینجمنٹ و ریسکیو کمامدارآتے پارت جاری کرے کہ نوکاپ زہمی تے دمدستی …
چیئرمین سینیٹ نا مچ آ ملک و خاص وڑاٹ صوبہ بلوچستان اٹی مروک آ ساڑی آ پِر و دریاتیٹی دِیراناسوب آن نوکاپی دیر تیان مروک آ جونی و مالی نسخان تیا است ہسونی نا درشان
گیشتریں ھال
اسلام آباد۔ 24 جولائی (اے پی پی) چیئرمین سینیٹ محمد صادق سنجرانی مچ آ ملک و خاص وڑاٹ صوبہ بلوچستان اٹی مروک آ ساڑی آ پِر و دریاتیٹی ترند انگا دیر تا سوب آن نوکاپی دیر تیان مروک آ جونی و مالی نسخان تیا ڈکھیائی و است ہسونی نا درشانی ءِ کرینے۔ چیئرمین سینیٹ تعلقدار ضلعی انتظامیہ، ڈیزاسٹر مینجمنٹ و ریسکیو کمامدارآتے پارت جاری کرے کہ نوکاپ زہمی تے دمدستی امداد فراوان کیر وہلہلہ ئی بنداوتیا ریلیف کن گچین گام گیج و نشیبی علاقہ غاتا آبادی تا رکھ ہند آتیا گدریفنگ کن بست وبند کننگے۔ چیئرمین سینیٹ نوکاپی حالیت آتون مون تننگ کن تعلقدار ادارہ و صوبائی حکومت نا کوشست آتا ستا ءِ کرے۔ چیئرمین سینیٹ نوکاپی علاقہ غاتا رہینگوک آتے رکھ ہند آتیا گدریفنگ نا پارت ہم جاری کرے۔ چیئرمین سینیٹ ساڑی آ طوفانی پِر تیٹی زوال کرو ک بندغ آتا درجہ غاتا بڑزی و ٹھپی تا زوت دراخ جوڑی کن دعا کرے۔ ڈپٹی چیئرمین سینیٹ سینیٹر مرزامحمد آفریدی ہم مچ آملک اٹی پِر ونوکاپی دیر تیان مروک آ جانی ومالی نسخان تیا ڈکھیائی و است ہسونی نا درشانی ءِ کرینے۔
