کوئٹہ۔ 24 جولائی (اے پی پی): بلوچستان ءِ سروزیر میر عبدالقدوس بزبجو ءَ وڈھ ءَ زندمان بحال بوہگءِ سرءَ سدکی ءِ درشانی کتگء ُ جنگ ء ُ جدل ءِ امن ءُ ایمنی ءَ گوں گیشء ُگیوار بوہگءَ چیف آف ساروان نواب محمد اسلم خان رئیسانی ء ُ میڑھ ء ُ مرکہ ءِ ایندگہ باسکانی شکرء ُمنت گپتگ۔ سروزیرءَ گشتگ کہ جیڑہ ءِ امنء ُ ایمنی ءَ گوں گیشء ُ گیواری کنگءِ ھاترءَ گپ ء ُتران کنگء ُ میڑھ ء ُ مرکہ کنگ مئے دیریگیں دودء ُ ربیدگانی ڈولداری اِنت۔ آئی ءَ اوست داتگ کہ اے گامگیجاں چہ وڈھ ءِ جیڑہ پکہیں ءَ گیش ء ُ گیوار کنگ بیت ء ُ اُمیت اِنت کہ اے دوئیں سروک سگء ُ اوپار کن اَنت ء ُ امنء ُ ایمنی ءِ گوما نند اَنت۔ سروزیر ءَ گشتگ کہ آ وڈھ ءَ ہوار سرجمیں صوبہ ءَ محکمیں امنء ُ ایمنی ءِ ھاترءَ دعا کنت۔ امن ء ُ ایمنی جوڑ کنگ ء ُ جیڑہ ء ُجنجالانی گیشء ُ گیواری مئے اولی دلگوشی اِنت۔
