اسلام آباد۔24جولائی (اے پی پی): راجی اسمبلی ءِ اسپیکر راجہ پرویز اشرف ء ُ ڈپٹی اسپیکر زاہد اکرم درانی ءَ انوگیں ہور ءُ ہار ء ُ لینڈسلائیڈنگ ءَ چہ ملک ءِ تہا بوتگیں بازیں وئیلاں بیرانی آنی سرءَ دلپدردی ءِ درشانی کتگ۔ دوشمبے ءِ روچءَ وتی اپسوزی بیانءِ تہا راجی اسمبلی ءِ اسپیکر راجہ پرویز اشرف ء ُ ڈپٹی اسپیکر زاہد اکرم درانی ءَ آماچیں حانداناں گوں دلی ہمدردی ءِ درشانی کتگء ُ ہمگرنچیں حکام ءَ را آما چیں مردماناں ریلیف دیئگ ء ُ زوت گامگیج چست کنگءِ پنتء ُ شون کتگ ۔ راجی اسمبلی ء ِ اسپیکرء ُ ڈپٹی اسپیکر ءَ انوگیں ہورء ُ ہاراں ہوار ایندگہ وئیلاں چہ بیران بوتیں مردمانی ھاترءَ جوانیں آکبت ءُ پہ حاندان ءِ ھاترءَ سگء ُ اوپار ءِ دعا کتگ۔
