لاہور۔ 24 جولائی (اے پی پی): مزن وزیر محمد شہباز شریف ءَ گوشتگ کہ حکومت برآمداست ءُ ڈنی سرمایہ کار ی ءِ تہءَ گیشی ءِ واستہ توامیں آسراتی آناں کارمرز کنگ ءَ انت، نوکیں ٹیکنالوجی ءَ را وتی کنان ءَ برآمداست آناں ودینگ بوت کنت۔ جندی شوبگ ءَ الس ءِ وستہ کوشست لائک ءِ ستا انت، صنعتی زون آنی تہءَ رئیل اسٹیٹ ءِ اجازت نہ بیت، پیسریگیں نالائق حکومت ءَ ملکی معیشت ءِ بیڑا گرک کتگ، دوارگ حکومت رست گڈاس ملک ءَ را معاشی ھب ءِ جوڑ کناں۔ آئی ءَ اے ھیالانی درشانی دو شمبے ءِ روچ ءَ گورنر گس لاہور ءُ شیخوپورہ ءَ 3 صنعتی زون ءِ بن ھشت ایر کنگ ءِ ھوالگ ءَ برجمیں مراگش ءَ گوں گشتانک دیان ءَ کت۔ اے موہ ءَ گورنر پنجاپ بلیغ الرحمن، صوبائی وزیر رنا مشہود ، چائنہ ءَ ھوار گیر ملکی سرمایہ کار ءُ ایندگر ھم ساڑی اتنت۔ مزن وزیر محمد شہباز شریف ءَ اومبر اسپیشل اکنامک زون “سندر گری زون” سمارٹ اسپیشل اکنامک زون ءِ بن ھشت ءَ ر اایر کنگ ءِ مراگش ءَ گوں گشتانک دیان ءَ گوشت کہ مرچی صنعتی زونز آنی بن ھشت ءِ ایر کنگ ءِ پد ءَ توامیں شریکی مردم آناں گوں دل ءِ جھلانکاں گوں مبارک بات دیاں ءُ ھاسیں رنگ ءَ پرائیویٹ سیکٹرز کہ آئیءَ ملک ءَ اے اکنامک زونز آںی برجائی ءِ واستہ اربانی کلدار ءِ سرمایہ کاری ءِ کشک ءَ را تچک کتگ۔ مزن وزیر ءَ گوشت کہ بنجاھی ءُ صوبائی حکومت اے اکنامک زونز آنی واستہ ھمک رنگیں آسراتی پجاری کن انت، صنعتی زون آنی تہ ءَ رئیل اسٹیٹ ءَ را موہ دیگ نہ بیت۔
