اسلام آباد۔ 20 جولائی (اے پی پی) صدر مملکت ڈاکٹر عارف علوی شہید و اوفتا خاہوت آتا جوزہ حب الوطنی و ایثار ءِ سلام پیش کرسا قوم انا کنڈآن شہید و اوفتا خاہوت آتے خراج عقیدت پیش کرینے۔ ایوانِ صدر نا پریس ونگ آن پنچ شنبے نادے آ جاری بیان نارداٹ صدر مملکت داخیال آتا درشانی  ءِ 12 جولائی آ ژوب کینٹ بلوچستان اٹی دہشت گرد جلہو اٹی شہید مروک آتا خاہوت آتون فون آ گپ وتران کرسا کرے ۔ اوشہید آتے خراج عقیدت پیش کرے، و اوفتا ملک اکن خذمت آتا ستاءِ کرے۔ صدر مملکت حوالدار محمد عثمان، صوبیدار سکندر و نائب صوبیدار مصطفیٰ نا خاہوت تون ہڑزخواہی نا درشانی ءِ کرے۔ ڈاکٹر عارف علوی لانس نائیک گل حمید و نائیک جاوید شہزاد نا خاہوت تون ہم فون آ ہیت کرے۔ صدر مملکت سپاہی محمد یوسف، فہیم و مقصود نا وارث آتون ہم فون آ است ہسونی نا درشانی ءِ کرے۔ صدر مملکت شہید آتا فرض اتون لگن و وطن کن قربانی نا ہم اعتراف کرے۔ اوشہید آتیکن درجہ غاتا بڑزی و خاہوت کن صبر وجمیل نا دعاکرے۔

متعلقہ مضامینمصنف کی طرف سے مزید