پشاور۔ 20 جولائی (اے پی پی) وزیراعظم نا سلاہکار سیاسی و السی امور و صدر مسلم لیگ (ن) خیبرپختونخوا انجینئر امیر مقام پارینے کہ ایکنک نا دیوان اٹی شانگلہ ایکسپریس وے ڈٹ انا منظوری ءِ تننگانے۔ ڈٹ انا پوروی آن علاقہ ٹی خوشی و زرگزرانی انقلاب اس بریک۔ پنچ شنبے نادے آ تینا بیان اٹی اوپارے کہ اینو وزیرخزانہ اسحاق ڈار نا کماشی ٹی ایکنک نا دیوان اٹی شانگلہ ایکسپریس وے انا ڈٹ ءِ پیش کننگا، و مریس شرہ غان پد دانا منظوری ءِ تننگا۔ ڈٹ انا خڑچ 80 ارب روپئی ءِ، اونا مرغنی 48 کلومیٹر ءِ، ہراٹی 14 پول و 5 ٹنل ہم اوار ءُ۔ اوپارے کہ ڈٹ انا پوروی آن علاقہ ٹی خوشی و زرگزرانی انقلاب، ٹوورازم ءِ مون آ دننگک و داسی پیک نا گیگ بدل فاصلہ و گیگ بدل روٹ پک مریک۔ اوپارے کہ اللہ تعالیٰ آن پد وزیراعظم شہبا ز شریف ، وزیر ڈٹ بندی احسن اقبال، وزیرخزانہ اسحاق ڈار و اونا ٹیم انا است انا حب اٹ منت واری ءِ ہرفیوہ، داکان بیدس چیئرمین این ایچ اے نا خصوصی است خواہی نا ہم منت وار اُٹ، انشاء اللہ ڈٹ آ بھاز زوت باقاعدہ کاریم بناکیک۔
