اسلام آباد۔ 19 جولائی (اے پی پی) بنجائی وزیر تخفیف نیزگاری و راجی رکھ و چیئرپرسن بینطیر انکم سپورٹ پروگرام شازیہ مری ورلڈ بینک انا ریجنل ہیڈ آف سوشل پروٹیکشن و قائم مقام ڈائریکٹر یورپ و نیامی ایشیانکول کلنگن تون اوڑدہی کرے۔ شازیہ مری نا دا اوڑدہی واشنگٹن ڈی سی ٹی ورلڈ بینک انا ہیڈکوارٹر اٹی مس۔ بنجائی وزیر نکول کلنگن ءِ پاکستان اٹ بینظیر انکم سپورٹ پروگرام نا راجی رکھ انا گام گیج آتا بارواٹی معلومدار کرے۔ اوڑدہی ٹی ورناتا راہشونی، تربیت و مالی امداد فراوان کرسا ڈیجیٹل زرگزران ءِ مون آ دننگ نا بابت گپ وتران مس۔ شازیہ مری پارے کہ ورناتا مالی کمک نا کمک اٹ پاکستان پاورٹی ایلیویشن فنڈ زرگزرانی و راجی شونداری نا وارخواہی ودی کرے۔ اوپارے کہ باصلاحیت ورناتا کمک ءِ کننگ آن ڈیجیٹل انٹرپرینیور شپ ءِ مون آ دننگ ملانے۔ بنجائی وزیر نیویارک اٹی اقوام متحدہ نا ایس ڈی جیز آ بڑزکو کہولی سیاسی فورم آن تران کرسا ساف دِیر و سفائی نا اہمیت آ زور شاغا۔ اونکول کلنگن ءِ بی آئی ایس پی نا 15 سالہ کارکڑد رپورٹ ءِ ہم پیش کرے۔
