محرم الحرام اٹی امن و رواداری ءِ مون آ درسا نن پاکستان ءِ اسہ سوگو و متحد ملک اس جوڑ کننگ کینہ، بنجائی وزیر سینیٹر شیری رحمان

اسلام آباد۔ 19 جولائی (اے پی پی) بنجائی وزیر موسمیاتی بدلی و چاگڑدی رابطہ سینیٹر شیری رحمان پارینے کہ محرم الحرام اٹی امن و رواداری ءِ مون آ درسا نن پاکستان ءِ اسہ سوگو و متحد ملک اس جوڑ کننگ کینہ۔ تینا اسہ ٹویٹ اسے ٹی  اوپارے کہ محرم الحرام نا بناآ ببو غٹ اواری اٹ پاکستان اٹ امن و ہم آہنگی آ پرچار کین۔ دا تُو مسلمان تیکن بھاز اہمیت تخک و دا المی ءِ کہ نن دا تُو اٹی اسہ ایلو کن افہام و تفہیم ، ہمدردی و شرف نا جوزہ ءِ برجاتخر۔ اوپارے کہ دعاءِ کہ دا محرم ننے مچ آ پاکستان اٹ امن، رواداری و ہم آہنگی ءِ مون آ دننگ نا ترغیب ملے۔