اسلام آباد۔ 19 جولائی (اے پی پی) اسپیکر قومی اسمبلی راجہ پرویز اشرف گولڑہ موڑ قائد اعظم ہسپتال نا خڑک پِر انا سوب آن دیوال اسے نا تمنگ اٹی نہادی انسانی جون تا زیان آ ڈکھیائی و است ہسونی نا درشانی ءِ کرینے۔ چارشنبے نادے آ تینا ہڑزخواہی کلہو اٹی اوشکست اٹی نہادی جون تا نسخان آ ڈکھیائی وا ست ہسونی و زہمی خاہوت تون ہمدردی نا درشانی ءِ کرے۔ اوپارے کہ شکست اٹی زوال کروک بندغ آتا خاہوت نا غم اٹی بریبر نا شریک اُن۔ اسپیکر قومی اسمبلی تعلقدار کمامدارآتے شکست اٹی ٹھپی مروک آتے گچین طبی امداد نا فراوانی نا پارت کرے۔ اسپیکر قومی اسمبلی شکست اٹی زوال کروک بندغ آتا درجہ غاتا بڑزی، ٹھپی تا زوت دراخ جوڑی و پدسلوک آ خاہوت آتے دا بے بدل نسخان آ صبر و جمیل عطا کننگ نا دعاکرے۔
