اسلام آباد۔ 19 جولائی (اے پی پی) پاکستان انسٹیٹیوٹ آف میڈیکل سائنسز(پمز) انا ترجمان ڈاکٹر مبشر ڈاہا پارینے کہ شنزہ ئی آ پِر انا سوب آن گولڑہ موڑ نا خڑک دیوال اسے نا تمنگ نا واقعہ غان پد پمز اٹی داتم اسکان 14 بندغ ءِ اتنگا ہرافتیان دہ بندغ آتا مرک واقع مسوسس وخت اس کہ شکست اٹی ٹھپی مروک آتا جون ءِ بچفنگ نا کوشست برجاءِ، و زوال کروک آتا لاش آتے مڑدہ خانہ غا گدریفنگانے۔ چارشنبے نادے آشنزہ ئی آ پِرتا سوب آن گولڑہ موڑ نا خڑک دیوال اسے نا تمنگ نا واقعہ غان پد ہسپتال آ اتوک آ ٹھپی و مردہ بندغ آتا سرجم آتیان معلومدار کرسا پمز ترجمان پارے کہ پمز اٹی داتم اسکان 14 بندغ ءِ اتنگا۔ پمز اٹی اتوک آ ٹھپی ہیڈانجری نا شکار ءُ ہرافتاسرجری ءِ کننگ انگ ءِ۔ اوپارے کہ شکست اٹی زوال کروک آ بندغ آتا وئی 19 آن 36 سال نا نیام اٹی ءُ۔ پمز انا ایگزیکٹیو ڈائریکٹر ڈاکٹر عمران سکندر پمز اٹی ڈاکٹر و پیرامیڈیکل اسٹاف ءِ ہائی الرٹ مننگ نا پارت کرینے۔ پمز انتظامیہ جاڑ انگا شار تیٹی ترند انگا پِر آن پد پورو الرٹ ءِ۔ پمز اناہروڑنا ناگہانی آفت تون مون تننگ کن متحرک ءِ۔
