گلگت بلتستان کابینہ نا پڑو، سوغندی دود اینو مریک

گلگت ۔ 18 جولائی (اے پی پی) گلگت بلتستان کابینہ نا پڑو ءِ کننگا۔ جاری نوٹیفکیشن نا رداٹ حاجی عبدالحمید ءِ سینئر وزیر محکمہ بلدیات نا قلمدان ءِ تننگانے۔ سید امجد زیدی تعمیرات عامہ، انجینئر اسماعیل خزانہ، غلام محمد سیاحت و خور، مشتاق حسین دیر و بجلی، شمس لون داخلہ، سید سہیل عباس جان جوڑی و کانود، فتح اللہ خان ڈٹ بندی، رحمت خالق ایکسائز اینڈ ٹیکسیشن ، انجینئر انور خان کشت وکشار و لائیو اسٹاک ، غلام شہزاد آغا تعلیم، دلشاد  بانو شونداری نسواں نا وزیر مریک، وخت اس کہ حاجی شاہ بیگ ءِ سلاہکار جنگلات و ثریا زمان ءِ سلاہکار انفارمیشن ٹیکنالوجی مقرر کننگانے۔ گلگت بلتستان کابینہ ناسوغندی دود اینو(سے شنبے ) آ مریک۔