اسلام آباد۔17جولائی (اے پی پی): بنجاھی وزیر جان سلامتی عبدالقادر پٹیل ءَ دو شمبے ءَ ادا پمز ہسپتال ءَ کینسر ہسپتال ءِ بن ھشت ایر کت۔ کینسر ہسپتال ءِ بن ھشت ءِ ایر کنگی ءِ مراگش ءَ گوں گشتانک دیان ءَ بنجاھی وزیر جان سلامتی عبدالقادر پٹیل ءَ گوشت کہ جان سلامتی ءُ علاج بنی آدمی بنیاتی ضلورت آنی تہ ءَ ارزشتی انت۔ کینسر ءِ علاج ناں ایوک ءَ گران بھائی بلکینگ ءَ سکی ءُ پاکستان ءَ اے علاج ایوک ءَ ھاسیں جاہ آنی تہءَ بیت اے ھوالگ ءَ مردم سیاست کن انت۔ آئی ءَ گوشت کہ پاکستان ءَ کینسر ءِمریض پریشانی ءِ گوما دیم پہ دیم انت، کینسر ءِ علاج ءِ واستہ ھاسیں ہپستال آنی تہ ءَ ٹائم نہ رس ائیت۔ سرکاری ہسپتال آنی کار کرد ءَ را ودینگ ءِ واستہ جزمیگ انت۔ بنجاھی وزیر جان سلامتی ءَ گوشت کہ کینسر ہسپتال ءِ منصوبگ ءِ 2018 ءَ سی ڈی ڈبلیو پی ءَ منظوری داتگ ایشی ءِ کساس اے وھد ءَ 1998 ملین بوتگ، چار سال ءَ تاں پی ٹی آئی ءَ اے منصوبگ ءِ سر ءَ کار نہ کتگ۔ آئی ءِ سبب ءَ اے منصوبگ ءِ ھرچ ءُ در چ چار سرئی گیش بوتگ۔ آئی ءَ گوشت کہ گوزوکیں سال 2022-23 ءَ پی ای ڈی پی ءَ اے منصوبگ ءِ واستہ فنڈز گیشینتگ انت۔ کینسر ہسپتال ءِ کار 2023 ءَ بندات کنگ بوتگ۔ بنگیجی رد ءَ کینسر ہپستال 200 بیڈز ءَ ھوار انت۔ بنداتی رد ءَ پروجیکٹ یک ارب کلدار ءِ کساس ءَ پیش کنگ بوتگ۔ اولی بھر ءَ سول ورک سرجم کنگ بیت۔ فیز ٹو ءَ جان سلامتی ساز ءُ سامان ءُ ہسپتال ءِ ایندگر سامان سرجم کنان ءَ کینسر ءِ علاج بندات کنگ بیت۔
