اسلام آباد۔ 17 جولائی (اے پی پی) صدر مملکت ڈاکٹر عارف علوی تون بینکنگ محتسب محمدکامران شہزاد سپاروکی اوڑدہی کرے ہراٹی او صدر مملکت ءِ تینا دور اٹی ریکارڈ بینکنگ کیس آتے سرتننگ، بین صارف آتے مالی انصاف نا فراوانی کن کروک آ گام گیج آتیان معلومدار کرے۔ ایوان صدرنا پریس ونگ انا رداٹ اوڑدہی ٹی بینکنگ محتسب پارے کہ بطور بینکنگ محتسب، سال اپریل 2019آن جولائی 2013اسکان نا 4 سال انا دور اٹی 3 ارب روپئی نا ریلیف فراوان کریٹ۔ کنا دور آن مست سال 2005آن 2018اسکان نا 13 سال آتیٹی الس ءِ 2.3 ارب نا ریلیف تننگا، تینا دور اٹی 106،486کیس آتے سرترسا بینکنگ صارف آتے ارب آ روپئی نا مالی انصاف فراوان کرے۔ صدر مملکت بینکنگ محتسب نا کنڈآن کم مد اٹی الس ءِ 3 ارب روپئی آن زیات نا ریلیف فراوان کننگ آ اونا کوشست آتا ستاءِ کرے۔
