اسلام آباد۔ 17 جولائی (اے پی پی) چیئرمین سینیٹ محمد صادق سنجرانی سکردوٹی کوسٹر ءِ پیش بروک آ شکست اٹی چندی بندغ آتا زوال کننگ آ ڈکھیائی وا ست ہسونی نا درشانی ءِ کرینے۔ دوشنبے نادے آ سینیٹ سیکرٹریٹ آن جاری بیان نا رداٹ چیئرمین سینیٹ پارے کہ ڈکھیائی نا داساہت اٹی زوال کروک آ بندغ آتا خاہوت آتا غم اٹی بریبر نا شریک اُن۔ چیئرمین سینیٹ دعاکرے کہ اللہ تعالیٰ کوسٹر شکست اٹی زوال کروک آ بندغ آتا بخشش و درجہ غاتے بڑز کے و خاہوت ءِ دا صدمہ ءِ صبر و حوصلہ اٹ سگنگ ناتوفیق عطاکے۔ چیئرمین سینیٹ ٹھپی تا زوت دراخ جوڑی کن ہم دعا کرے۔ ڈپٹی چیئرمین سینیٹ مرزا محمد آفریدی ہم تینا کلہو اٹی سکردوٹی کوسٹر نا شکست اٹی چندی بندغ آتا زوال کننگ آ ڈکھیائی وا ست ہسونی نا درشانی ءِ کرسا زوال کروک آ بندغ آتا خاہوت تون ہڑزخواہی نا درشانی ءِ کرینے۔
