اسلام آباد۔ 17 جولائی (اے پی پی) ڈپٹی اسپیکر قومی اسمبلی زاہد اکرم درانی نا کماشی ٹی پارلیمانی ڈل 18 جولائی آ پائیدار شونداری ہدف (ایس ڈی جیز) نا بارواٹی نیویارک اٹی اقوام متحدہ نا بڑزکو کہولی فورم اٹی پاکستان نا نمائندگی ءِ کیک۔ قومی اسمبلی سیکرٹریٹ نا رداٹ پائیدار شونداری نا ہدف آتیا مروک آ دیوان نا مسخت 2015ٹی پائیدار شونداری نا ہدف آتا دوئی کننگ کن شین تروک آ ایجنڈا 2030آ داتم اسکان مروک آ پیش رفت نا جاچ ءِ ہلنگ ءِ۔ دیوان پارلیمان تے ادارہ جاتی وڑوڈول اٹ بدلی، پارلیمانی کارروائی تے پین گچین کننگ و پائیدار شونداری نا ہدف آتا دوئی کننگ کن چندی سلاہ تے تالان کننگ اٹ اہم ءُ مزل نا نشان اس مریک۔ ڈپٹی اسپیکر قومی اسمبلی نا کماشی ٹی پارلیمانی ڈل بنجائی وزیر راجی رکھ و تخفیف نیزگاری شازیہ مری ، چیئرمین پبلک اکاؤنٹس کمیٹی نورعالم خان، کنوینر ایس ڈی جیز رومینہ خورشید عالم و قومی اسمبلی نا باسک خالد جاوید چوہدری آ تالان ءِ۔
