راولپنڈی۔ 17 جولائی (اے پی پی) نگران وزیراعلیٰ پنجاب محسن نقوی راولپنڈی انسٹی ٹیوٹ آف کارڈیالوجی نا دورہ ءِ کرے و است انا مریض آتا درمان نا آسراتی تا جاچ ءِ ہلک۔ سفائی بست وبند آتا مشاہدہ ءِ کرے۔ نگران وزیراعلیٰ پنجاب دورہ ٹی ایمرجنسی وارڈ۔ سٹی اسکین، ایکسرہ روم، فلورو سکوپی و ایلو بشخ آتا معائنہ ءِ کرے۔ داوخت آ او وی آئی پی وارڈ ءِ عام مریض آتیکن ملنگ نا پارت کرے۔ وزیراعلیٰ مریض آتا جان پڑسی ءِ کرے و درمان نا آسراتی تا بارواٹی اَرفے۔ مریض و اوفتا خیالدارآتیان انجیوگرافی و انجیو پلاسٹی نا آسراتی تا بارواٹی اَرفے۔ محسن نقوی مریض آتیان پرائمری انجیو گرافی نا آسراتی نا ہم اَرفے۔ وزیراعلیٰ محسن نقوی گپ وتران کرسا پارے کہ راولپنڈی انسٹی ٹیوٹ آف کارڈیالوجی ٹی درمان نا آب اٹ آسراتی ءِ خنسا خوشی مس۔ دا ہسپتال است انا مریض آتیکن جوان ءُ درمان نا جاگہ اسے۔ ڈاکٹر، نرس و پیرامیڈیکل اسٹا ف نا ڈکھیائی انسانیت نا خذمت نا جوزہ نا ستاءِ کیوہ۔ اوپارے کہ ہسپتال کن فنڈ و ایلو درکار گرج آتے پورو کننگک ۔
