اسلام آباد۔ 17 جولائی (اے پی پی) ایشیائی شونداری بینک پارینے کہ پاکستان اٹی تدوک آ سال بروک آنوکاپ آن زہمی علاقہ غاتیٹی پوسکن تفنگ و بحالی نا کوشست آتیٹی پاکستان تون کمکاری ءِ برجاتخک۔ داہیت ءِ ایشیائی شونداری بینک انا کنڈآن جاری کروک حوال اٹی پاننگانے۔ حوال اٹی پاننگانے کہ پاکستان اٹ تخفیف نیزگاری، موسمیاتی موزونیت و خذمت آتا بشخ اٹی زرکاری نا مون آ دننگ اٹ ایشیائی شونداری بینک تینا کڑد ءِ ادا کننگ ءِ۔ حوال اٹی پاننگانے کہ کوویڈ۔ 19، تدوک آسال بروک آ بدترین نوکاپ و پیشن نا لوڈو پاکستان نا زرگزران کن اہم ویل ءُ ولے بینک کنٹری پارٹنر شپ سٹریٹجی(2021-25)نا رداٹ پاکستان تون چندی بشخ آتیٹی کمکاری ءِ تینا برجاتخک۔ حوال اٹی پاننگاکہ جہانی بینک انا سرجز، پاکستان نا زرگزرانی و شونداری اولیت آتون ہم گرنچ مریک۔ بینک اقتصادی و انتظامی، انتظام و انصرام، چاگڑدی و موسمیاتی موزونیت، مسابقت اٹ ودکی و نجی بشخ انا شونداری ٹی پاکستان تون کمکاری ءِ برجاتخک۔ حوال اٹی پاکستان تدوک آ سال بروک آ بدترین نوکاپ نا ہم حوالہ ءِ تننگانے۔ حوال اٹی پاننگا کہ بلوچستان، سندھ و سویلی پنجاب تون اوار نوکاپ آن زہمی علاقہ غاتیٹی پوسکن تفنگ و بحالی نا سرجزآک برجاءُ۔ جہانی بینک دا سرجزآتیٹی ایلو ادارہ غاتون اواری اٹ تینا کڑد ءِ برجاتخک۔
