اسلام آباد۔ 17 جولائی (اے پی پی) لندن اٹی رہینگوک آ پاکستانیک پاک فوج و شہید آتا حق اٹی ریلی اس کشار۔ پاکستان و پاکستان نا فوج انا حق اٹی لندن نا نواحی شار ریڈنگ اٹ شاندار ءُ ریلی اسے نا بست وبند ءِ کننگا ہراٹی بھلو کچ اسے ٹی نرینہ و نیاڑیک بشخ ہلکر۔ بشخ ہلوک آک پاک فوج انا حق اٹی نعرہ خلنگا۔ اوورسیز پاکستانیک دا وخت آ پاکستان نا فوج اتون ہم کوپہ سلنگ نا کلہو ءِ تسر و پاک فوج انا خذمت و قربانی تا ستاءِ کریر۔ ہندی کمیونٹی راہشونک ریلی نا کماشی ءِ کریر۔ ریلی ٹی شریک بندغ آتا گاڈی تیا سوز ہلالی بیرک خلوک ئسک۔ ریلی ٹی بشخ ہلوک آک واقعہ نہہ مئی ٹی اوار بندغ آتے سخت آن سخت سزا تننگ نا خواست کریر۔
