جدہ۔ 17 جولائی (اے پی پی) سعودی عرب نا ولی عہد شہزادہ محمد بن سلمان تون جدہ ٹی جاپان نا وزیراعظم فومیو کیشیدا اوڑدہی کرے، ہڑتوم آ راہشونک ہڑتوم آ کنڈآتا تعلقداری خاص وڑاٹ اقتصادی ، واپاری، زرکاری و دودوربیدگی بشخ آتیٹی کمکاری نا پلوآتا بارواٹ گپ وتران کریر ۔ سعودی خبررساں ادارہ نا رداٹ شہزادہ محمد بن سلمان جدہ نا قصر اسلام اٹ جاپانی وزیراعظم  ءِ بخیر کرے، اودے گارڈآف آنر پیش کننگا و ہڑتوم آ ملک آتا قومی ترانہ ءِ خلنگا ، اوکان گڈ ہڑتوم آ راہشونک باضابطہ گپ وتران اٹی ہڑتوم آ کنڈآتا تعلقداری خاص وڑاٹ اقتصادی، واپاری، زرکاری و دودوربیدگی بشخ آتیٹی کمکاری نا پلو و سعودی وژن 2030 نا رداٹ کمکاری ءِ ودفنگ نا وڑوڈول آتا بارواٹ گپ وتران کریر۔ سعودی ولی عہد جاپانی وزیراعظم نا ساڑی گری ٹی جاپانی کمپنی و کاروباری ادارہ غاتا سروک آتون ہم اوڑدہی کرے۔

متعلقہ مضامینمصنف کی طرف سے مزید